National News—Kabilugang 19,373 katawo ro naireport it National Disaster Risk Reduction Management Council nga apektado it pagpanaeasa it bagyong Aghon.
Sa nasambit nga numero, kabilugang 8,465 nga pamilya halin sa 158 barangay ro gindaeasa it bagyo sa Luzon ag Visayas.
Samtang, ro Bicol Region ro nailistang may pinakamaabong numero it mga apektadong indibidwal nga humampak pa sa 10,349 kon sa siin pito sa mga raya ro nakaangkon it injury bangud sa bagyo.
Angot kara, ginatantyang nagaabot sa 5,343 katawo ro nawad-an it panimaeay samtang kapin sa 2,162 sa mga raya ro presenteng nagadayon sa mga evacuation center kamana man 3,181 ro temporaryong nagaistar sa andang mga himata ag abyan.
Sa pihak kara, nakatao eon it masobra sa 1.2-million pesos nga haega it food packs para sa mga apektadong pamilya it nasambit nga kalamidad.
