Ginaeauman nga magadagsa ro masobra sa 2.2 million nga pasahero sa mga terminal sa Ninoy Aquino International Airport (NAIA) sa kasagsagan it holiday season.
Ginpahayag it New NAIA Infra Corp. (NNIC) nga kapin sa 2.296 million nga pasahero ro gin-eauman halin Disyembre 20, 2024 hasta Enero 3, 2025 nga nagapakita it 10.95% nga pagtaas kumpara sa parehong period ko 2023.
Ginaeauman man nga maeampasan ro numero it mga pasahero ag flights nga nailista ko Undas ag sa parehong period ko 2023.
Bilang sabat, ginpahayag it kompaniya nga nagapahom eon sanda sa pagdagsa it mga pasahero sa airport terminals sa pinaagi it pagpatuman it measures kaparehas it pagpataas it andang staff, pagpaeawig it terminal operations ag pagpamayad pa it security protocols.
Nakipag-angot eon man raya sa iba pang mga concerned government agencies.
Gin-abisuhan mat-a ro mga pasahero nga sundon ro baggage instructions ag restrictions para sa mas madasig nga security screening ag mag-abot it mas temprano antes ro flight agud malikawan ro anumang aberya.
