Masobra sa 200 katawo ro namatay matapos mahugos ro sangka minahan sa Rubaya, nasidlangan nga bahin it Democratic Republic of Congo suno sa rebel authorities sa rehiyon.
Suno kay Lumumba Kambere Muyisa, tagapaghambae it rebel governor it North Kivu, nahugos ro minahan ko adlaw it Miyerkules bangud sa grabeng pag-uean.
Kaibahan sa mga namatay hay mga kababayin-an, onga, ag artisanal miners nga nagamina it coltan, sangka mineral nga ginagamit sa paghimo it mga elektronikong aparato kaparehas it smartphones ag computers.
Sangka dating supervisor it minahan ro naghambae nga bukon it maayos ro pagpabilin it site, nga nagpadali sa aksidente ag nagpakalisod sa rescue efforts.
Dugang pa nana, ro matapok nga eogta sa lugar hay kapin pang nagpalala sa sitwasyon.
Ginatantyang 20 survivors ro presenteng ginabueong sa ospital.
Nasayuran nga ro Rubaya hay sambilog sa mga banwa sa North Kivu nga kontrolado it M23, nga ginasugid nga may suporta halin sa nasyong Rwanda.
