Masobra sa 2,000 katawo, naeobong it buhi sa Papua New Guinea tuga it landslide

International News—Masobra sa 2,000 katawo ro naeobong it buhi sa sangka remote village sa Papua New Guinea tuga it mabahoe nga landslide kasunod it pagkahugos it Mount Mungalo sa Enga province.

Nagapadayon pa ro ginahimo nga operasyon para maeowas ro mga biktima kon sa siin nagbueoligan ro mga awtoridad ag mga residente.

Suno kay United Nations migration agency official Serhan Aktoprak, padayon gihapon ro pagkahueog it pilang ka mga bato maghain sa bukid ag may tubi nga nagailig halin sa bukid nga posibleng maging rason pa it pagkahugos it eogta.

Ginapatihan nga ro pilang dominggong mabaskog nga pag-uean ro naging rason it mabaskog nga landslide sa lugar.