Nabuligan it Pantawid Pamilyang Pilipino Program ukon 4Ps ro kapin sa 361,756 nga pamilya sa bilog nga Western Visayas makaron nga 2024.
Suno sa Department of Social Welfare and Development (DSWD) Region 6, sa probinsiya it aklan, nabenepisyuhan kara ro 30,158 nga pamilya.
Nagsaka sa 89.72% ro compliance rate sa pagpatuon sa mga inunga nga 4Ps nga nagapakita eamang nga maabu nga mga inunga ro naka eskwela sa bulig it national government.
Nataeupangdan man ro mataas nga compliance rates sa iba pang areas it programa kapareho it Family Development Sessions ag deworming agud nga masiguro ro ikamayad nga eawas it mga inunga.
Agud nga matapna ro cycle it kapobrehon, gintukod it DSWD-6 ro sangka sistema nga nagatau it aftercare services pinaagi sa local government units (LGUs) para sa mga pamilya nga nakasueod sa programa.
Prayoridad man ro mga beneficiaries kara sa Sustainable Livelihood Program (SLP), sangka capacity-building initiative nga nagatuyo nga mapamayad ro socioeconomic conditions it mga pobre ag vulnerable sectors pinaagi sa pagtau kanda it pangabuhian.
Gindugang pa it DSWD Region 6 nga maabu eon man nga mga beneficiaries it 4Ps program ro nakatapos ag nakatrabaho bilang mga manugturo, social workers, engineers, ag iba pang propesyon nga nagapakita eamang nga nakabulig ro programa agud nga mahaw-as sa kapigaduhon ro sangka pamilya.