NATIONAL News — Nagpaandam ro Department of Health angot sa nagabahoe nga kaso it mga ginatamaan it Advanced HIV Disease (AHD) sa nasyon.
Kadungan it 16th Plenary Meeting it Philippine National AIDS Council, ginpahayag it DOH nga hasta ko Agosto 2024, may una eon nga 40,934 nga kaso it AHD sa nasyon.
Raya hay nagasakop sa 30% it tanan nga cumulative cases halin ko 1984.
“To prevent HIV/AIDS, we must get tested early as this helps avoid late-stage disease that can kill. Then, people living with HIV who stay on treatment can and do live happy and healthy lives,” ginpahayag ni Health Secretary Teodoro Herbosa.
Ginpahayag it DOH nga ro late diagnosis hay nagiging rason it nagataas nga numero it mga nailistang nagakamatay bangud sa HIV, ukon kapin sa 8,246 umpisa ko 1984.
Padayun man nga nagataas ro nagakamatay kada dag-on, kun sa siin halin sa mas manaba sa 100 ko 2011 naga abot eon raya makaron sa masobra sa 400 pag-abot ko 2015 ag 879 ko 2022.
Kaabuan sa mga nagakamatay hay eaeaki nga naga-edad it 25 hasta 34 anyos.
