Kapin sa 5,000 hasta it 10,000 nga mga drivers ag operators it transport cooperatives ro magapasakop sa “unity walk” makaron nga adlaw it Lunes, Agosto 5, para ipahayag ro andang pagpamaeabag sa resolusyon it Senado nga nagarekomenda it pagsuspinde sa Public Utility Vehicles Modernization Program (PUVMP).
Magatililipon ro mga pro-PUVMP group sa Mabuhay Welcome Rotunda sa Quezon City ag magamartsa paadto sa Palasyo it Malacañang.
Suno sa Kooperatiba ag Korporasyon it Alyansang Pilipino para sa Modernisasyon ukon AKKAP MO, makaangkon it dueoeongan nga welga sa ibang parte it nasyon kaparehas it Cagayan de Oro ag Cebu.
Gin-insister it Alliance of Transport Operators and Drivers Association of the Philippines (ALTODAP), nga uwa nataw-an it kahigayunan nga magkomento ro mga pro-PUVMP group sa pagpamati it Senado.
