KALIBO, Aklan — Bumalik eon sa andang natungdang nga headquarters ro haeos 700 police augmentation maghalin sa Police Regional Office (PRO)-6 nga nagserbeng security forces sa bag-ong tapos nga Kalibo Sto. Nino Ati Atihan Festival 2018.
Sa gin patigayung send-off ceremony sa ABL Sports and Cultural Complex, gintaw-an it PRO-6 it letter of commendation ag “boodle fight” nga ilabas bangud sa andang mabahoe nga bulig agud mapabilin nga maayos ro selebrasyon.
Gin dayaw ag gin pasaeamatan ni Sr. Supt Lope Manlapaz, provincial director it APPO ro mga augmentation force bangud sa andang dedikasyon nga masiguro ro maayos nga paghiwat sa Ati-Atihan festival.
Kabilogan nga 1,459 nga security forces ro gin pakalhit sa mga naga pangunang karsadahon sa banwa it Kalibo nga nagbantay sa mga gin tukod nga inner ag outer security ag checkpoints, police assistance centers, pedestrian screening areas ag observation posts.
Ro madason nga assignment it police augmentation hay sa Dinagyang festival sa Iloilo.
