KALIBO, Aklan—Naga-abot eon sa 82,041 nga mga pamilya sa Region VI ro naka-graduate ukon nakatapos eon sa Patawid Pamilyang Pilipino Program (4Ps).
Raya hay base sa datos it Department of Social Welfare and Development (DSWD) 6 as of March 7.
Suno kay DSWD 6 4Ps Regional Program Coordinator ag Division chief Belen Gebusion, makabig nga “graduate” eon ro sangka household kon naga-abot eon kara ro self-sufficient level of well being sandig sa assessment gamit ro Social Welfare and Development Indicator.
Samtang makabig man nga “exited” ro sangka household kon bukon eon raya it eligible bangud nga owa eon naabot ro criteria kapareho it sangka pamilya nga dapat hay may unga nga naga-edad it zero to 18 ukon may miyembro it pamilya nga naganabdos.
As of March 2024 ro breakdown it household nga nag-graduate ukon nag-exit eon sa 4Ps program sa Region VI.
Sa Aklan naga abot sa 8,412 households nga may 2,221 graduated ag 6,191 ro exited; sa Antique – 10,248 kun sa siin 4,553 ro graduated ag 5,695 ro exited; Capiz nga may 12,194 kun sa siin 4,172 ro graduated ag 8,033 ro exited; Guimaras kapin sa 1,852 kun sa siin 540 ro graduated, ag 1,312 ro exited; Iloilo hay may una nga 21,332 nga ginaeakipan it 4,889 graduated, ag 16,443 ro exited; ag Negros Occidental nga may 28,003 kun sa siin 7,764 graduated, 20,239 exited.