NATIONAL News — Ginaeauman nga magataas it indi maganaba sa P2 kada litro ro presyo it petrolyo it mga kumpanya it langis bangud sa naga-grabeng kinagamo sa Middle East.
Sa pagtantiya ni Rodela Romero, direktor it Department of Energy (DOE) Oil Industry Management Bureau, posibleng tumaas ro kada litro it presyo it:
Gasolina – P2 hasta P2.30
Diesel – P2.35 hasta P2.65.
Kerosene – P2.45 hasta P2.55 kada litro
Ginaeauman man it Jetti Petroleum ro mas mataas nga paghueag it presyo para hin-aga nga adlaw.
Ginasugid nga ro presyo it diesel ag gasolina hay posibleng magtaas it P2.50 hasta P2.70 ag P2.30 hasta P2.50.
Ro mga kumpanya it langis hay kaeabanan nga naga-anunsyo it andang opisyal nga presyo kada Lunes, kaibahan ro mga pag-ayos nga ginapatuman sa masunod nga adlaw.
Ko nagtaliwan nga domingo, nagpasaka man ro mga retailer it gasolina sa presyo it diesel ag kerosene it P1.20 ag 70 centavos kada litro.
