NATIONAL News — Aprubado eon it Regional Tripartite Wages and Productivity Board – National Capital Region ro petisyong umento sa sweldo it mga trabahador sa Metro Manila.
Base sa Wage Order No. NCR-23 nga ginpaguwa kahapon, dugang nga P33 kada adlaw ro mabaton it mga trabahante sa rehiyon.
Raya hay nagakahueugan nga maga-abot eon sa P570 ro kada adlaw nga sweldo it mga minimum wage workers ag P533 sa mga non-agriculture and agriculture sectors.
Madumduman nga Nobyembre 2018 pa kat aprubahan it gobyerno ro P25 nga dugang nga sweldo sa mga trabahador sa Metro Manila.
Mag-eowas kara, aprubado man it nasambit nga Wage Board ro dugang nga P500 kada buean it mga kasambahay sa Western Visayas kadungan it P55 hasta P110 nga dugang sa mga trabahador sa nasambit nga lugar.
Ginpaathag it DOLE nga ro gin-obrang umento sa sweldo hay bilang sabat sa nagataas nga presyo it pilang nagapangunang kinahangeanon it mga Pilipino.
