KALIBO, Aklan—Sa pag-arangkada it mass covid-19 vaccination sa Estados Unidos, magkahalong emosyon ro nabatyagan it mga pinoy sa nasambit nga nasyon.
Suno kay Bombo International Correspondent Cha Reyes, tubong banwa it Banga ag presenteng naga-istar sa Virginia, USA nga excited nga may daea nga pagkabaeaka ro hatud kara kanda.
Apang kumpiyansa sigon imaw nga epektibo ag eowas ro bakuna nga himo it Pfizer bioNtech bangud nga napamatud-an eon raya sa United Kingdom mag-eowas eamang sa pilang naturukan nga nakaangkon it allergic reaction.
Gindugang pa ni Reyes nga syento porsiyento imaw nga haum nga magpaturok it bakuna kontra sa COVID-19.
Ro mass vaccination hay nagtuga sigon it panibag-ong pag-eaum sa mga Amerikano agud nga makaangkon it hilway nga paghueag.
Plano man nana nga engkasong maging available eon sa market ro bakuna nga posibleng nagakantidad it $4 to $6 kada vials hay bak-ean nana ro anang mga kapamilya ag igapadaea sa Pilipinas.
Gindugang pa ni Reyes nga nagapadayun ro delivery it mga COVID-19 vaccine sa mga estado.
Unang ginpatigayon sigon raya sa New York kun sa siin ro buena mano nga ginturukan hay ro sangka nurse.
Puntirya sigon it US nga unang mabakunahan ro mga frontliners ag mga senior citizens pinaagi sa hugut nga pagsunod sa mga protocols.
