Makabig nga makasaysayan nga adlaw ro ginpatigayon nga mass oath-taking it kapin sa 8,493 nga newly promoted teachers ag principals sa idaeom it Expanded Career Progression (ECP) Program halin sa Western Visayas nga ginhiwat sa Villareal Stadium sa Roxas City sa probinsya it Capiz ko adlaw it Lunes, Abril 27.
Suno kay Department of Education ukon DepEd Region 6 spokesperson Hernani Escullar Jr., naging madinaeag-on ro nasambit nga aktibidad nga ginpangunahan mismo ni Pangueong Ferdinand Marcos Jr, First Lady Liza Marcos ag DepEd secretary Sonny Angara kon sa siin ro Western Visayas ro may pinakamaabo nga numero nga na-promote nga mga manugturo kon ikumpara sa iba pang rehiyon sa nasyon.
Dugang pa ni Escullar nga may mabahoe nga impact ro ECP ag nakaangkon it oportunidad ro mga newly-promoted educators sa Western Visayas nga maiangat ro andang ranggo base man sa andang work of service.
Mag-eowas kara, kahigayunan man raya para kanda nga madugangan ro andang sweldo nga mabuhay eon nanda nga ginaapela sa gobyerno.
Ro Expanded Career Progression ukon ECP hay sangka programa it DepEd nga nagatuyo nga magtao it kahigayunan sa mga manugturo nga mapadasig ro andang promotion.
