KALIBO, Aklan—Bilang sangka frontline health care worker sa Australia, ginsuhestiyon ni Bombo International Correspondent Denmark Suede nga importanteng pabaskugon it gobyerno it Pilipinas ro testing ag genome sequencing sa nasyon agud nga makapag-detect pa it mas maabung kaso it COVID-19 variants.
Suno kana nga sa Australia hay masobra sa 2,000 eon ro na-detect nga delta variant, apang sa Pilipinas hay naga-abot pa eamang sa 100.
Ro objective sigon it genome sequencing hay agud nga ma-detect ro nagkaeain-eain nga klase it variants, tumuron ro mga lugar nga may makarondaya nga kaso, ag masayuran kon ro mga variants ro nagatuga it gulping pagsirit it mga kaso sa sangka lugar.
Nagapati imaw nga mag-eowas sa testing ag genome sequencing, mabahoe man nga bulig ro pagpabakuna agud nga matapna ro pagkalhit it infection.
Bukon suno kana it solusyon ro lockdown bangud nga napamatud-an eon raya sa Pilipinas.
