Mass testing para sa Covid-19 sa mga pumueoyo it C. Laserna St. Kalibo, igapatigayon makaron nga adlaw–PHO

KALIBO, Aklan—Magapaidaeum sa intensified community testing makarun nga adlaw ro mga pomoeuyo sa Purok 1 C. Laserna St. Brgy. Poblacion, Kalibo.

Suno kay Dr. Cornelio Cachon Jr. it Provincial Health Office (PHO) Aklan nga  magabisita ro pitong ka  mga team it andang taeatapan agud magpatigayon it swab testing sa mga residente sa nasambitan nga lugar.

Apang ro pagabo-ean eamang it swab sample hay ro naga-edad limang dag-on pataas.

Ro  mga limang dag-on panaba hay igapaidaeum eamang sa swab test engkasong magpositibo sa makamaeatay nga virus ro andang ginikanan.

Target sigon  it ahensiya nga magapatigayon it test sa 500 nga mga residente.