BALITA Espesyal– Sangka mabahoe nga selebrasyon ro ginpatigayon sa Baran, India, matapos nga 2,143 nga couples ro nagbaeayluhan it andang sumpaan sa kada isaea sa seremonya nga nagbuhay it kapin sa 6 nga oras rason nga naka-break it daywang world records.
Sangka rehistradong grupo nga ginatawag nga Shri Mahaveer Goshala Kalyan Sansthan ro nag organisa it mass wedding nga ginaeakipan it parehong Hindu ag Muslim marriages.
Ro event hay nagbuhay it haeos 6 nga oras nga nakahimo it Guinness World Records para sa may pinakamaabu nga couples nga ginkasaea it 12 hours ag most couples married in 24 hours.
Ro kada couple hay nakabaton it blessing halin sa mga opisyal eakip ro Chief Minister of Rajasthan Ashok Gehlot ag Cabinet Minister Pramod Jain Bhaya.
Gintaw-an it grupo ro kada couple it regalo kaibahan ro alahas.
Pila pa sa mga regalo hay kama, gamit sa kusina, telebisyon ag refrigerator.
Ginpahayag it mga opisyal nga tuyo it event nga mabuligan ro kubos nga mga couples nga makasae ag makapangabuhi it maayos.