Ginbalita it National Disaster Risk Reduction and Management Council (NDRRMC) nga masubra sa 3,000 nga indibidwal ro na-displace o ginhalin bangod sa mga pag-uean daea it bagyong Ferdie maskin madalian eang sa nasyon nga gingpabaskog it epekto itSouthwest Moonson.
Base sa gingpaguwa nga datos it ahensiya makarong adlaw it Sabado, sa kabilugang 4,464 nga pamilya o katumbas it 14,215 nga indibidwal ro apektado it bagyo sa Western Visayas, Davao Region ag Soccsksargen region. Sa mismong numero, gaabot sa 1,070 nga pamilya o katumbas it 3,408 indibidwal ro naghalin sa andang panimaeay ag temporary nga nagadayon sa 74 nga evacuation centers samtang may iba man nga mas ginpili nga magpabilin anay sa andang kaparyente ag barkada.
Nakalista man it kasamaran sa pilang kabaeayan ro mabaskog nga hangin nga daea it bagyo kung siin may 5 kabaeayan ro naguba samtang 12 man ro partialy damage sa Antique, Negros Occidental, Davao Occidental, Davao Oriental, ag Saranggani. Bilang sabat, nagpanupod eon ro gobyerno it nagakaigo nga bulig para sa mga biktima it bagyo nga may P921 million nga balor it relief assistance.
Madumduman nga nagsueod sa Philippine Area of Responsibility ro bagyo ko nagtaliwang gabie nga Biyernes ag nagguwa it nasyon bandang alas-2 it madaling adlaw kahapon nga Sabado.
