Diretsahang ginhambae U.S. President Donald Trump nga ro masunod nga supreme leader it Iran hay kinahang-ean anay nga aprubahan it Estados Unidos, kon inde hay inde man raya magbuhay.
Raya ro sabat ni Trump kat makutana kon engkasong iinsister nana nga importanteng masiguro it U.S. nga inde makaangkon it kahigayunan ro Iran nga makabilog it nuclear weapon sa paaeabuton.
Dugang pa kara nga gusto nana nga malikawan ro nakataliwan nga kinahinatnan it Iran matapos ro pambomba it U.S. sa tatlong nuclear facilities it Iran ko Hunyo 22, 2025.
Kat ginkutana kon magsugot baea imaw nga aprubahan ro sangka lider nga may kaangtanan sa dating rehimen, ginpahayag ni Trump nga pwede nana raya nga himuon kon sa tan-aw nana hay magiging maayos nga lider ro nasambit nga kandidato.
Dugang pa ni Trump nga may plano sgon ro Iran nga kontrolon ro bilog nga Middle East, bagay nga suno kana hay napunggan it Amerika.
Uwa man ginapaiway ni Trump ro posibilidad nga magpadaea ro U.S. it special forces agud kontrolon ro enriched uranium it Iran.
