-- ADVERTISEMENT --
Paga-imbestigahan man it Department of Agriculture(DA) ro presenteng mataas nga presyo it galunggong.
Suno kay Agriculture Assistant Secretary Noel Reyes, partikular nga andang paga-usisaon ro medyu pagdungan it pagtaas sa presyo it galunggong sa pagtaas sa presyo it karneng baboy.
Ginpahayag ni Reyes, owa man nanda nasayuran kun ham-an nga nagtaas ro presyo it galunggong eabi eon sa mga super market, sa pihak nga sa ulihing pagkasayod hay kapin sa P180 pesos kada kilo eamang dapat ro galunggong.
Sa pilang mga baealigyaan ag supermarket sa Metro Manila, naga-abot eon sa masobra sa P300 pesos kada kilo ro presyo it galunggong.
