KALIBO, Aklan—Matapos ro limang dag-on nga pagpinanago, madinaeag-on nga naaresto ro sangka wanted person sa Brgy. Aparicio, Ibajay.
Sa gintingob nga pwersa it 2nd Aklan Provincial Mobile Force Company, Ibajay Municipal Police Station ag Sta. Cruz Municipal Police Station, Occidental Mindoro, naaresto ro akusado nga si Jonnel Pelayo y Cabatac, 48-anyos ag residente it nasambit nga lugar.
Si Pelayo hay may pending Warrant of Arrest nga ginpaguwa ko Agosto 22, 2016 ni Hon. Ulysses D. Delgado.-Executive/ Presidung Judge, 4th Judicial Region, Regional Trial Court Branch 44, Mamburao, Occidental, Mindoro sa kasong Acts of Lasciviousness in relation to Republic Act 7610 nga may Criminal Case No.Z- 2900 kon sa siin kapin sa P180,000 ro gintaeana nga pyansa it korte para sa anang temporaryong kahilwayan.
Mag-eowas kara, ro nasambit nga akusado hay nagapangatubang pa sa kasong Rape in relation to Republic Act 7610 nga may Criminal Case No. Z-2899 ag uwa it gintaeana nga pyansa ro korte para kana.
Si Pelayo hay presenteng una sa kustudiya it Ibajay PNP para sa nagakaigong disposisyon.
