Nakataeanang magpasaka it kasong kriminal ro Presidential Anti-Organized Crime Commission (PAOCC) kontra kay Bamban, Tarlac Mayor Alice Guo sa mga masunod nga inadlaw.
Raya hay matapos nga makausoy it ebidensiya ro ahensiya sa pagkaeakot it alkalde sa mga ilegal nga operasyon it Philippine Offshore Gaming Operators (POGO) sa anang hurisdiksiyon.
Angot kara, ginpahayag it Presidential Anti-Organized Crime Commission nga magapueong ro inter-agency body sa masunod nga dominggo para desisyunan ro mga kasong ginpasaka sa alkalde nga presenteng ginaimbestigahan ro nasyonalidad ag pagkatawo bangud sa mga buho nga nakita sa anang mga dokumento.
Ginaeauman nga igapasaka ro kaso sa Department of Justice sa Hunyo 21 it presenteng dag-on.
Dugang pa it Presidential Anti-Organized Crime Commission nga may nakit-ang maabong mga dokumento nga may pangaean ag pirma ni Mayor Guo sa andang imbestigasyon.
Ro Presidential Anti-Organized Crime Commission ro responsable sa paghaeoghog sa POGO compound nga ginpatindog sa property nga dating ginapanag-iyahan ni Guo.
