Ginapa-subpoena eon it Senado si Bamban Mayor Alice Guo ag pilang miyembro it anang pamilya matapos nga uwa nakatambong sa pagpamati it Senado.
Ginmando ni Sen. Risa Hontiveros, chairperson it komite ro pagpaguwa it subpoena matapos baliwalaon ni Guo ro pagpadayon it imbestigasyon sa ginsalakay nga Philippine Offshore Gaming Operators (POGO) hub sa anang nasakupan nga lugar.
Ginpatawag it komite ro ama ni Mayor Guo nga si Jian Zhong Guo, biological mother nga si si Lin Wen Yi, ag mga manghod nga sanday Shiel, Seimen ag Wesley Leal apang tanan sanda hay uwa nagtambong sa pagdinig.
Mag-eowas kara, ginpatawag man it komite si Nancy Gamo, accountant ag nagadumaea sa pagdihon sa mga dokumento it mga negosyo it pamilya Guo.
Apang, sa sueat ni Guo sa komite, ginpahayag nga bukon imaw it “fit” nga magtambong sa pagpamati bilang resource person kon sa siin naapektuhan eon ro anang physical ag mental health bangud sa mga isyung ginaeapog kana ag sa sobrang stress.
