KALIBO, Aklan–Ginkumpirma ni Kagawad Mark Sy it Brgy. Poblacion, Kalibo ro plano ni Mayor Juris Bautista Sucro nga pagpanupod it kapin sa 3,000 ka mga school bags.
Suno sa opisyal, una eon sa custodial office it andang barangay ro mga nasambit nga bags nga nakataeana nga ipanupod sa indigent nga mga estudyante.
Dugang pa kara nga nakataeana pa sanda nga magbakae it 40,000 ka mga notebooks, 3,000 ka mga ballpen ag lapis ag 3,000 ka mga papel agud nga maging kompleto ro distribusyon.
Nasayuran nga gintao eon ro donasyon it alkalde sa barangay affairs kung siin ro pondo hay halin mismo sa personal nga kwarta it alkalde.
Ginpasiguro sigon ni Mayor Sucro nga mas maabo pa ro makabenepisyo it programa sa maabot nga mga dinag-on.
Ro distribusyon sigon hay igapa-agi sa barangay kung siin ro mga manugturo ro magatumod it benepisyaryo.
Mag-euwas kara, nagtao man ro Veterans Bank it 500 ka mga sapatos para sa mga estudyante.
