KALIBO, Aklan—Mayoriya it mga vendors sa Kalibo Public Market hay bukon it pabor sa ginasuhestiyon nga relocation site kanda sa Judge Martelino St. Brgy. Andagao, Kalibo.
Raya ro ginpahayag ni Liga ng mga Barangay President Kalibo Chapter ag Pook Punong Barangay Ronald Marte sa ginpatigayon nga public hearing it lokal nga gobyerno it Kalibo.
Suno kana nga mas paborabli sa mga negosyante nga magtukod it andang mga baealigyaan sa Toting Reyes St. Kalibo sa guwa it tindahan samtang nagapadayun ro construction it igatukod nga modernong merkado publiko sa nasambit nga lugar./
Masyado sigon nga naeayuan ro mga raya sa relocation site nga nauna eon nga ginaplano nga patindugan it three-storey nga multi-purpose building.
Haum man sigon ro provincial government nga pamatian ro hinyu sa temporaryong paggamit it nasambit nga karsada bilang baealigyaan.
Mag-eowas nga mahae sigon ro presyo it eugta nga pagapatindugan it relocation site hay maeapit pa raya sa gina construct man nga ospital.
Ginsuhestiyon pa it mga negosyante nga kon nagabakae it lote hay dapat nga mas mabahoe agud nga malikawan ro paggutok sa lugar.
Sa pihak nga parte, ro nasambit nga isyu hay pagatalakayon man sa special session it sangguniang bayan it kalibo.
Madumduman nga ko Setyembre 15, 2019 hay nasunog ro portion it tindahan, kun sa siin apektado ro masobra sa 270 nga mga stalls.
Kapin sa 70 milyon pesos sigon ro available nga pondo nga donasyon para sa construction it tindahan.
Sa pihak nga parte, welcome sigon kanda ro gina-offer nga property ni Mr. Dan Salas sa Oyo Torong St., Kalibo bilang relocation site, apang maabu man nga negosyante ro bukon it pabor kara.
