Ginapahauman eon it Municipal Disaster Risk Reduction Management Council ukon MDRRMC ro tyempo it tag-uean matapos nga gindeklara eon raya it state weather eabi eon ro pag-arangkada it Habagat season.
Suno kay MDRRMC Kalibo head Terrence June Toriano, mas pa nandang pabaskugon ro andang monitoring ag ginasigurado it mga raya nga nagagana tanan nga apparatus nga magamonitor sa daeagan it panyempo.
Bukon eamang it sa banwa it Kalibo ro andang gustong masayuran kundi nakikipa-angot man ro mga raya sa iba pang kabanwahan.
Nasayuran nga ro banwa it Kalibo hay ro catch basin it tubi-baha rason nga importante nga masayuran kon naga-inuean sa ilaya agud nga makapangaman ro mga sa low lying areas partikular ro mga maeapit sa Aklan river.
Panugyan it mga raya sa pumueoyo nga masaming imonitor ro andang igapaguwa nga advisory bangud nga sa katung-anan it buean it Hunyo hay ginaeauman ro maueanon nga panyempo.
