KALIBO, Aklan–Nagpaguwa it green alert status ro Municipal Disaster Risk Reduction and Management Office ukon MDRRMO-Kalibo.
Raya hay kasunod it padayun nga pagbaskog it uean daea it bagyong paeng kun sa siin ro aklan hay nagapabilin sa storm signal no. 1.
Suno kay Ronjie Melgar, assistant public information officer it MDRRMO-Kalibo nga padayun ro andang pagpatunog it sirena agud nga ma-alerto ro mga residente eabi eon sa mga low-lying areas.
Kadungan kara ro pag engganyo kanda nga mag-evacuate eon sa mga gintaeana nga mga evacuation centers.
Nasayuran nga kaeabanan sa mga naapektuhan nga residente nga binaha ko miyerkules nga adlaw hay nagbalik eon sa andang natungdan nga mga baeay.
Ginpasiguro man nana nga 24 oras sanda nga nakabantay kaibahan ro natungdan nga ahensiya it gobyerno.
Sa pihak nga parte, nagpatuman it forced evacuation ro MDRRMO-Numancia kasunod it padayun nga pagtaas it tubi sa aklan river nga maeapit eon lang sa critical level.
Sa makaron hay may pila eon nga mga pamilya nga una sa evacuation area sa pagkabaeaka nga uman nga maexperiensiyahan ro natabu nga baha ko miyerkules kun sa siin sambilog ro bulwang ag iba pang barangay sa Numancia ro grabeng naapektuhan.
