KALIBO, Aklan–Haom ag nakaalerto eon ro Municipal Disaster Risk Reduction Management Office ukon MDRRMO Kalibo sa pagmonitor ag pagbantay sa mga lugar nga posibleng dayuhon it publiko sa selebrasyon it kapyestahan ni San Juan de Bautista.
Suno kay MDRRMO Kalibo head Mr. Terrence Jun Toriano nga nag-umpisa ro andang deployment it personnel kahapon nga adlaw it Huwebes bangud nga nag-arangkada eon ro pila ka mga aktibad angot sa nasambit nga okasyon.
Visible suno kana ro mga emergency responders sa mga baybayon nga sakop it banwa it Kalibo.
Partikular nga gintaeanaan it MDRRMO personnel hay ro kaean-an sa kalye nga magatapos makaron nga gabie, pook terminal nga idto igapatigayon ro palo sebo, boxing, boat race ag ro lambingan beach kamana man iba pang area nga may aktibidad.
Angot kara, hugot gid ro padumdom ni Toriano sa publiko nga inde magmaneho it motorsiklo ukon saeakyan kon una eon sa idaeom it impluwensya it aeak agud nga makalikaw sa digrasya ag inde magpaligos nga nakainom it aeak.
Mag-eowas kara, bago pa man eomosong sa tubi hay tan-awon anay kon sa siin nakapwesto ro mga responders agud nga insigidang makapangayo it bulig sa oras it emerhensiya.
