KALIBO, Aklan—Sang gabi-i nga nakaalerto ro Municipal Disaster Risk Reduction Management Office MDRRMO Libacao kasunod it pagtaas it water level sa Aklan river kasunod it sigidas nga pagbu-bo it mabaskog nga uean kahapon hasta kabi-i.
Suno kay Alvin Zorca it MDRRMO Libacao, bilog nga pwersa it andang taeatapan kaibahan ro lokal nga gobyerno it Libacao ro nagbantay sa sitwasyon kon sa siin nagdeploy sanda it tawuhan sa mga manaba nga lugar partikular sa mga maeapit sa suba.
Angot kara, ginpahayag dugang ni Zorca nga ginpahaom it LGU ro mga rescue vehicle engkaso nga may magpangayo kanda it bulig.
Umabot sigon sa kritikal level ro tubi-baha sa aklan river rason nga ginpaalerto nanda ro tanan nga pumeuoyo ag ro mga kaeapit nga banwa partikular ro banwa it Kalibo.
