KALIBO, Aklan—Nagpatuman it pre-emptive evacuation ro MDRRMO Malay Incident Management team sa banwa it Malay matapos ginpaidaeum sa yellow warning ro nasambitan nga lugar bangud sa gihapon sa pagpanaeasa it Super typhoon Rolly kung sa siin una sa signal number 2 ro northwestern portion it Aklan kaeakip ro Buruanga,Malay,Nabas ag Ibajay.
Samtang una man sa signal number 1 ro iba pang parte it probinsya.
Suno kay Malay Mayor Frolibar Bautista nga kaabuan sa mga gin-evacuate hay ro mga residenteng naga-istar sa hazard prone area ag ro may mga panimaeay nga himo sa light materials.
Gina-abisuhan man ro mga una sa mga delikadong lugar nga deriktang magpadueong sa mga designated evacuation brgy center.
Sa banwa it malay ro gintaeana nga lugar para sa pag-evacuate hay ro mga masunod.
1. Kabulihan Brgy. Hall
2. Malay National High School
3. Cogon Day Care Center
4. Carla Ati School/Tribal Hall-Cubay Sur
5. Balusbos Evacuation Center (Motorpool)
6. Caticlan Brgy. Hall
7. Argao Day Care Center & MASBOI Building-Argao
Samtang sa Boracay Island:
1. Manocmanoc Day Care Center/ Manocmanoc Covered Court
2. Yapak Elementary School
3. Balabag Brgy. Hall & Balabag Elementary School
Samtang, stranded man ro kapin sa 104 nga mga turista sa Isla it Boracay.
Raya hay matapos magkansela it byahe ro tanan nga mga roll-on ag roll- off vessel paaadto ag pabalik sa nasambitan nga Isla tuga it maeain nga panyempo.
