-- ADVERTISEMENT --
Nag-apela it kooperasyon ro Municipal Disaster Risk Reduction Management Office ukon MDRRMO Nabas sa mga pumueoyo ag magpamati sa mga impormasyon nga ginapaguwa it mga natungdan nga ahensya it gobyerno eabi eon kon may mga kalamidad nga paeabuton ukon naga-eontad.
Raya hay kasunod sa mga naeksperyensyahang pagbaha-baha sa mga low lying barangays sa banwa matapos ro pagbu-bo it uean tuga it hanging habagat nga ginhatak it Bagyong Betty.
Suno kay MDRRMO Nabas head Reynard Dela Cruz nga may mga nailista sandang pamilya nga ginsoe-ob it tubi-baha ro andang panimaeay nga nagta-o it sangkiri nga problema ag istorbo sa mga indibidwal apang uwa man raya it kasamaran nga gintuga.
