KALIBO, Aklan–Preparado eon ro bilog nga pwersa it Municipal Disaster Risk Reduction Management Office (MDRRMO)-New Washington angot sa andang deployment para sa nagahilapit nga selebrasyon it kapiyestahan ni Sr. San Juan de Bautista sa Hunyo 24.
Suno kay Nicanor Denila Jr., Local Disaster Risk Reduction Management Officer III it MDRRMO-New Washington nga sambilog sa andang mandato hay ro pagpasiguro it kaeuwasan it mga residente ag bisita nga nagapatigayun it excursion sa mga baybayon nga sakop it andang banwa.
Pila sigon sa andang pagatutukan hay ro coastal areas kapareho it Barangay Tambak, Polo, boundary it Polo ag Cawayan kamana man ro Barangay Fatima.
Kabulig sigon nanda sa pagbantay ro mga katapo it New Washington PNP, Philippine Coast Guard ag Maritime Police.
Ginaeauman eon sigon nanda ro pagbuhos it maabu nga mga tawo sa bahin it Brgy. Tambak partikular sa seawall.
Nag-apela man raya sa mga pumueoyo nga striktong magsunod sa health and safety protocols partikular ro pagsuksok it face mask ag physical distancing bangud owa pa natapos ro pandemya.
