Kalibo Aklan ——–Uman nga napaandam ro Aklan Provincial Government sa padayun nga pagtinaas it kaso it coronavirus disease (COVID-19) sa probinsya kasunod pa it pagbutang kara sa high risk classification.
Suno kay Governor Florencio Miraflores nga may tatllong dominggo eun lang ro gintaeana agud nga makontrol ro kaso it COVID-19 sa probinsya bangud kung indi hay posibling igapaidaeum it National Inter Agency Task Force ro mas hugot nga quarantine classification ukon ro Modified Enhanced Community Quarantine (MECQ).
Engkasong matabo hay maabo euman nga mga negosyo ro magsarado ag uman nga igabalik ro pag-require it quarantine pass.
Bangud kara, nag-apela man ro gobernador sa publiko nga makipagbuligan ag hugot nga magsuno sa protocol nga ginapatuman it mga Local Government Unit (LGUs).
Nasayuran nga maging ro Provincial Government it Aklan hay bukon it pabor nga mas pang hugtan ro classification sa Aklan bangud maabo eun man ro madueaan it trabaho apang raya hay naka-depende pa sigon sa national IATF.
