Kalibo Aklan————Ginapreparahan eun it Aklan Provincial Government ro mabahoe nga posibilidad nga ipaidaeum sa Modified Enhanced Community Quarantine (MECQ) ro probinsiya.
Suno kay Aklan Governor Florencio Miraflores nga ginahueat eun lang nanda ro desisyon it National Inter-agency Task Force angot sa magiging quarantine classification it probinsiya sa maabot nga Hulyo 22.
Samtang, aminado man si Miraflores nga hasta makarun hay padayun sa gihapon ro pagtinaas it kaso it coronavirus diseas (COVID-19) sa probinsiya kung sa siin nakalista it masobra sa 120 ka mga kaso kada adlaw.
Dugang pa kara nga bukon eun it maeayo ro posibilidad nga nakasueod eun ro delta variant it COVID-19 sa probnsiya bangud ro mga residente it Pandan, Antique hay nagapadueong sa banwa it Kalibo para sa andang mga transaksyon ag makarun hay magpamilya eun ro kaabuan nga nagapositibo sa nasambitan nga deadly virus.
Makarun hay tuyo man sigon nanda nga mas pang pagapabaskugon ro ginapatigayon nga contact tracing ag isolation agud makontrol ro pagtinaas it mga nailistang kaso.
Samtang, nagapadayun man makarun ro vaccination roll out para sa mga una sa priority list.
May nag-abot man sigon nga dugang nga bakuna maghalin sa kampanyang Gamaleya ag Johnson& Johnson’s vaccine kamana man ro second dose it AstraZeneca.
