Ro information dissimination pinaagi sa media partners ro sambilog sa mga nakabulig nga naging generally peaceful ro week-long celebration it Kalibo Sr. Sto. Niño Ati-Atihan Festival 2023.
Suno kay PCapt. Aubrey Ayon, tagapaghambae it Aklan Police Provincial Office nga naimpormahan ro publiko angot sa mga protocol nga ginpatuman rason nga haeoga nga mayad ro lock-up cell it Kalibo PNP station ag uwa man hagamit ro mobile cell nga ginpahueam it Bureau of Jail Management and Penology ukon BJMP.
Mag-eowas kara, nagdoble man ro numero it mga augmented PNP personnel kon sa siin ro mga inde malikawan nga mga kinagamo tuga it kahilungon it ibang merrymakers hay insigidang natapna.
Gin-ekspektar eon sigon nanda ro pagdagsa it maabong tawo bangud sa daywang dag-on nga napaiway ro face to face celebration it festival rason nga ginplanuhan ag gin-istudyuhan it husto ro security measures nga nagresulta man sa maayos ag malinong nga okasyon.
Nasayuran nga maskin ballpen ukon anumang mataeawis nga bagay hay uwa nakaeosot sa mga kapulisan nga nakataeana sa pedestrian screening area eabi eon ro dried marijuana nga nakumpiska sa bag nga daea it daywang ka merrymakers.
Madumduman nga kapin sa 2,500 PNP personnel ro gin-augment sa banwa it Kalibo mag-eowas pa kara ro numero it iba pang force multipliers nga nagmonitor ag nagbantay sa mga aktibidad sa bilog nga okasyon.
