KALIBO, Aklan–Medyo nagtawhay ag nagpundo eun ro pagbubo it uean makarun sa banwa it Banga.
Suno kay Joel Peralta, it Municipal Disaster Risk Reduction and Management Office ukon (MDRRMO-Banga) sa makarun hay amat-amat eun nga nagtawhay ro lebel it tubi sa nasambitan nga lugar.
Ginpahayag dugang nga owa man sanda it may nailistang insidente ukon nakaangkon it kasakitan tuga it maeain nga panyempo.
Mag-euwas eamang sa pilang ka mga saeakyan nga na-stranded kahapon it hapon sa barangay torralba bangud sa madaeum nga baha.
May pilang ka mga residente man ro na-stranded ag nakalista it insidente it landslide sa baranagy Sibalew.
Bangud kara, ginpasiguro it ahensiya ro 24/7 nga pagbantay ag pag-monitor sa lebel it tubi sa lugar.
Samtang uman man raya nga nagpadumdom sa mga residente nga maging mapagmatyag agud malikawan ro grabe nga epekto it padayun nga pagbubo it mabaskog nga uean tuga it pagpanaeasa it low pressure area ukon LPA.
