KALIBO, Aklan–Nakaplastar eon ro pilang ka mga aktibidad it Munipal Economic and Enterprise Development Office (MEEDO) para sa nagahilapit nga selebrasyon it 2022 Kalibo Sto. Niño Ati-atihan Festival.
Ginpasiguro ni MEEDO Head Mary Gay Quimpo nga hugut nandang igapatuman ro health and safety protocols para masiguro ro kaeuwasan it mga deboto.
Pila sa mga nakalinyadang aktibidad hay ro pagtukod it food festival sa bahin it Martelino Street, Street Market ukon Bazaar, Plant fairs, virtual nga Battle of the band ag Search for Miss Kalibo Ati-atihan 2022.
Kinahang-ean suno kana nga fully vaccinated ro mga vendor ag participant nga magapasakop kara.
Nagaeum sigon sanda nga maging madinaeag-on ro pagpatigayun it aktibidad sa pihak it na-eksperyensyahan nga surge it kaso it COVID-19 daea it Omicron variant.
