Ginpresentar it Department of Human Settlement and Urban Development sa lokal nga gobyerno it Kalibo ro andang proyekto nga pabaeay.
Suno kay Kalibo sangguniang bayan member Ronald Marte, mismong si Undersecretary Samuel Young it ahensya ro nagpadueong sa banwa it Kalibo agud nga selyuhan ro Memorandum of Agreement angot sa pabahay program.
Ginpaathag nga ro nasambit nga proyekto hay anggid sa sangka condo type unit nga ro makabenepisyo hay ro mga empleyado it gobyerno ag mga una sa mga pribadong sektor nga miyembro it Pag-Ibig Fund.
Ro nasambit nga proyekto hay igabutang sa eogta nga ginapanag-iyahan it LGU Kalibo.
Angot kara, ginpahayag ni Young nga dapat magbueoligan ro LGU para sa kapananan it publiko nga eubus nga nagakinahang-ean it bulig eabi eon sa pabaeay nga programa it gobyerno.
