Ginbuksan eon ro Mercado sa Calle sa El Polvenir sa bahin it D.Maagma St., Kalibo, Aklan.Raya hay kaeakip sa nagahilapit nga selebrasyon it ika-128 anibersaryo it 19 martires.
Suno kay Jay-ar Arante, head it media team it LGU-Kalibo, raya ro pinaka-una nga event nga ginhiwat nga may kaangtan sa selebrasyon kun siin mabatyagan gid sigon it mga magabisita sa lugar ro kinadati nga kaugalian bangud ro mga baligya sa merkado hay mga native products.
Mabatayagn man sigon ro pagka-Pilipino bangud ro mga nagabaligya hay nagasuk-sok man it mga baro’t saya ukon mga kinadati nga sueoksukon ag kada gabie halin alas-5 hasta it alas-9 it gabie hay may mga nagasaot it folkdance ag nagatukar it mga dinati nga musika.
Dugang pa ni Arante, may kapin sa 50 stalls ro una sa Mercado sa kalye nga nagabaligya it makaeain-eain nga mga produkto ag mga kaean-unon.
Ro nasambit nga event hay magabuhay it hasta tatlong adlaw umpisa Marso 21 hasta Marso 23 nga mismong kaadlawan it anibersaryo ag maga-bukas raya halin alas-8 it agahon hasta alas-10 it gabie.
Paathag man ni Arante nga nakastandby ro mga kapulisan pati eon man ro mga Kalibo Auxillary Police (KAP) para sa seguridad it mga manugbakae.
Gnaimbitahan man nanda ro tanan nga mag-bisita sa nasambit nga event ag dueungan nga batyagon ag dumdumon ro 19 Matrires.
