KALIBO, Aklan—Kumpara sa dating selebrasyon it Paskwa, medyu naga adjust pa ro mga Mexicans sa epekto it COVID-19 pandemic.
Suno kay Bombo International Correspondent Ryan Babela, owa pa it masyadong preparasyon ro mga tawo idtu kapareho it pagbutang it mga dekorasyon.
Apang sa nakasanayan, ro selebrasyon it Paskwa sa Mexico hay kada Disyembre 12 hasta Enero 6.
Umpisa Disyembre 16 hasta Christmas Eve, nakahiligan it mga inunga ro magpatigayon it ‘Posada’ procession ukon matsa caroling sa Pilipinas.
Apang kapareho sa naging experiensiya nanday Mary ag Joseph, matsa ginabalibaran sanda nga owa it bakanteng kwarto para kanda pagkatapos nanda nga magkanta it mga Christmas songs rason nga kinahangean nanda nga magpanaw.
Hasta nga makakita sanda it sangka baeay nga maga-welcome kanda.
Samtang, ginpahayag pa ni Babela nga maabu man nga mga Christmas decorations ro mga mexico kapareho it Christmas Trees apang ro pinaka-importante kanda hay ro nativity scene ukon pagkatawo kay Hesukristo.
Ginatawag ro Christmas Eve nga ‘Noche Buena’ ag makabig raya nga family day.
Kaeabanan suno kana nga pagkaon nanda hay ro American food kapareho it roast turkey, roast pork, salad ag iba pa.
Maabu nga mga residente ro nagatambong it ‘Misa de Gallo’.
Maabu sa mga inunga ro nagapati nga naga abot si santa claus kada December 24.
Ro merry Christmas sa Mexico hay ‘Feliz Navidad’.
