Mexico gin-uyog it magnitude 7.4 nga linog

Gin-uyog it magnitude 7.4 nga linog ro western Mexico.

Suno sa national seismological agency nabatyagan ro epicenter kara sa 59 kilometers it southern Coalcoman sa Michoacan.

Nailista man sa US Geological Survey ro magnitude 7.6 nga linog nga mas mabaskog kumpara sa Mexican seismologist.

Natabo ro linog kadungan it obserbasyon it daywang mabaskog nga pag-uyog sa nasyon ko 1985 ag 2017.

Ko Setyembre 19, 1985 quake hay ginkamatay it masobra 10,000 katawo ro 8.1 magnitude nga linog samtang ko 2017 nga 7.1 magnitude nga pag-uyog hay ginkamatay man it 370 katawo.