KALIBO, Aklan – Nadugang pa ro numero it mga accredited hotels sa isla it Boracay samtang nagahilapit ro summer season.
Sa ginpaguwang listahan it Department of Tourism (DOT) nagaabot eon raya sa 320 nga may kabilugang 11,662 rooms nga puwedeng makabaton it bisita sa isla.
Samtang, hugot makaron nga ginapatuman it Department of Environment and Natural Resources (DENR) ro tanan nga mga environment laws ag mga regulasyon agud mapabilin ro kaanyag it isla sa nagapadayon nga rehabilitasyon kara.
Sa pihak nga parte, nagaabot eon sa 84 ro mga naarestong nag-eabag sa ginapatuman nga ordinansa halin kat ginlunsar ro Project BESST ukon Boracay Enhanced Security Strategy and Tactics sa isla it Boracay.
Ro nasambitang proyekto hay ginlunsar agud maging “Discipline Zoned Boracay” ro isla kon siin mas pagataw-an it inugtaeopangod ro pagtapna sa mga nagakalhit nga basura, pagpanigarilyo, mga ambulant vendors, sex workers ag illegal tour guides sa isla.
