KALIBO, Aklan—Nagpanigbabaw ro 44 nga mga aletang Aklanon sa patag it Pencak Silat kon sa siin nakakuhit sanda it 45 nga mga medalya sa Batang Pinoy ag Philippine National Game nga ginhiwat sa Pasig City.
Suno kay Fredie Jizmundo Sr., ro provincial coordinator it Pencak Silat Aklan, nakakuhit it 45 nga mga medalya ro mga atleta kon sa siin nakabo-oe it 21 nga mga bueawang medalya sa individual category ag tatlong gold medals sa Regu category.
Nakakuhit man ro mga atleta it pitong silver medals ag 17 nga mga bronze medals.
Mag-eowas kara, nakuhit man it limang Akeanon nga miyembro it Philippine Team ro mga gold medal nga uwa nahuyap sa nasambit nga numero it mga medalyang naangkon.
Suno pa kay Jizmundo, mabahoe nga dungog sa probinsya it Aklan ro kadaeag-an nga nakuhit it mga atleta.
Ginpasaeamatan man nana ro mga ginikanan it mga atleta, mga trainers, coaches, ag mga Aklanong officiating officials sa eubos nga suporta sa mga atleta para makuhit nanda ro nasambit nga kadaeag-an.
