KALIBO, Aklan — Ginprayoridad ro mga Akeanon sa dry run nga nag-umpisa kahapon, Oktubre 15 antes ro pormal nga pagbukas kara sa Oktubre 26.
Nauna eon kara nga gindeklara ni Aklan Governor Florencio Miraflores ro Oktubre 15 bilang Aklan Day agud ro mga Akeanon ro unang makasaksi sa bag-ong hitsura it isla.
May ginpatigayon nga “salubungan” ag nakaangkon it kaean-an ag kasadyahan.
Sang adlaw eamang nga ginpasugtang magpabilin ro mga bisita sa isla ag ginlimitahan eamang sa 6,000 ro numero it mga turista kada adlaw.
Sa pihak nga parte, mag-eowas sa pag-monitor sa pagsueod, paggguwa ag pagpabilin it mga bisita sa dry run, hugot nga ginpatuman ro “no compliance, no operation” policy sa mga establisimento sa isla, kon siin, 68 hotels ag resorts pa eamang ro ginpasugtan it Boracay Inter-Agency Task Force nga makapag-operate matapos nga makompleto ro mga kinahang-eanong requirements ag nataw-an it accreditation it Department of Tourism.
Katuyuan it dry run nga magabuhay hasta it 11 diyas hasta sa Oktubre 25 nga matumod ro iba pang kakueangan ag dapat ayuson sa soft opening sa Oktubre 26.
