KALIBO, Aklan—Umarangkada eon makaron nga adlaw it Biyernes ro mga aktibidad it simbahan para sa kapiestahan ni Sto. Niño de Kalibo.
Suno kay Fr. Tudd Belandres it Saint John the Baptist Cathedral nga pormal nga gin-umpisahan makaron ro novena prayers ag novena masses nga magabuhay hasta sa Eenero 15.
Nasayuran nga nakaangkon it mobile procession ag caravan ro mga caro owners nga nagapanag-iya it imahe ni Sr. Sto. Niño kaibahan ro mga tribu sa pagpanguna it replica it Sto. Nino nga magalibot sa nagkaeain-eain nga karsadahon sa banwa it Kalibo, Numancia, Makato, Lezo ag New Washington.
Ginpahayag ni Fr. Tudd nga raya ro pamaagi makaron it pagsadsad, pagdayaw, pagpanaad, debosyon ag pagpasaeamat sa batang Hesus.
Pagkatapos kara hay makaangkon it translacion it orihinal nga imahe ni Sto. Nino.
Kasunod kara, magabukas ro exhibit it masobra sa 20 nga mga imahe ni Sto. Niño nga ginapanag-iyahan it mga deboto sa simbahan umpisa alas-6 hasta alas-8 it gabi-i.
Raya hay bukas sa tanan nga publiko hasta sa Enero 15.
Sa Enero 15 bandang alas – 4 it aga-aga hay magapatigayon it dawn procession.
Sa Enero 16, pagkatapos it Pilgrims Mass hay makaangkon it grand procession ag pagkatapos hay grand parade bandang alas- 3 it hapon.
Samtang, ginklaru ni Fr. Tudd nga magapatigayon sa gihapon it tradisyunal nga paeapak, apang naga-euhod ag naga-“bow” ag bukon it kapareho sa nakasanayan nga ginpahid ro maisot nga imahe ni Sto. Nino sa mga masakit nga parte it atong eawas.
Boses ni Fr. Tudd Belandres
