KALIBO, Aklan—Uman nga nadungan it daywang ka mga kaso it coronavirus disease ukon COVID-19 ro barangay Poblacion sa banwa it Kalibo.
Suno kay Barangay Kapitan Niel Candelario it Brgy. Poblacion, Kalibo nga sa makarun hay may una eun sandang kabuligan nga 30 ka mga aktibong kaso it makamaeatay mga sakit.
Samtang, nadugangan man it sambilog pa ro kaso it namatay ukon binawian it kabuhi bangud sa nasambitan nga sakit.
Raya hay sangka 91 anyos nga pasyenteng may dati eun nga ginabatyag nga masakit.
Sa makarun hay nagapadayun pa ro andang ginapatigayon nga contact tracing ag nakataeana man nga gapaidaeum sa swab test ro mga nakasalamuha kara.
Samtang ginpahayag dugang ni Kapitan Candelarion nga nagahueat pa sanda makarun it igapaguwa nga Executive Order ni Aklan Governor Florencio Miraflores kung engkasong pagasundon gidman kara rorekomendasyon it national IATF nga ipaidaeum sa General Community Quarantine ro bilog nga probinsiya.
