KALIBO, Aklan—Ginduea it pamilya Gruyon ro pagkabaeaka it kaeapitbaeay nga si Gladys Fajardo ag iba pang mga residente bangud nga nakataeana eon sigon nanda nga igabaligya ro andang mga alagang baboy.
Sa interview it Bombo Radyo, ginpahayag ni Allan Gruyon, tag-ana it ginareklamo nga piggery nga agud nga malikawan ro kinagamo hay iga-dispose eon nanda ro andang mga alagang baboy.
Nasayuran nga gina-reklamo it mga kaeapitbaeay ro piggery bangud nga pasakit sigon kanda raya tuga it mabahong hugum.
Angot kara, nagpahayag man imaw it kahauman nga sabton ro anuman nga reklamo kontra kana ni Fajardo.
Ro nasambit nga reklamo sigon hay gindaea eon sa andang barangay ag makaron hay ginsaylo sa media.
Nauna eon nga ginpahayag it tagreklamo nga si Fajardo nga gindangop nanda sa Bombo Radyo ro reklamo sa pageaum nga maaksyunan ro andang problema.
