Mabahoe nga bugae ro pagdaog it koponan it Argentina kontra sa Croatia sa score nga 3-0 sa andang semi-final match sa nagapadayon nga FIFA World Cup 2022 sa Qatar.
Suno sa football analyst nga si Zaph Castillo, mabahoe nga kadungganan para sa Argentinian players nga nakaabot eon man sanda sa finals matapos nga ginpakahuy-an ro Croatia nga uwa nakapasueod it maskin sangka goal hasta nga natapos ro hampang.
Naging emosyonal man ro mga Argentinian bangud sa andang kalipay ag nagapadayon ro andang paghilinugyaw.
Ginpahayag dugang ni Castillo nga nakit-an ro pagiging confident it koponan kon sa siin uwa nawasak ro andang depensa ag uwa nanda pagtaw-i it lugar ro kontra nga makaiskor.
Mabahoe nga ambag ro ginpakita it star player nga si Leonil Messi para sa andang koponan nga naangkon ro kadaeag-an ag may kahigayunan eon nga masungkit ro tropeyo makaro nga tournament it world cup.
