Excited eon ro mga atleta maghalin sa probinsiya it aklan sa pagsabak sa nakataeanang West Visayas Regional Athletic Association (WVRAA) meet 2023 nga pagahiwaton sa abril 24 hasta 28 it makaron nga dag-on, kun sa siin ro probinsiya it aklan ro magiging host.
Suno kay jovie ote, coach sa athletics nga haeos daywang dag-on man nga owa nakapatigayon it nasambit nga pinakamabahoe nga sporting event sa region 6 rason nga medyu nagakaeangkag ro tanan , bukon eamang ro mga alteta , kundi maskin sanda nga mga coach.
Apang sa makaron hay ginapreparahan nanda ro nakataeanang provincial meet sa maabot nga marso 22 hasta 25 ,kun sa siin dikara magapili it mga atletang magahampang sa WVRAA meet.
Ginpahayag dugang nga sigidas man ro preparasyon it Department of Education ukon Dep-Ed Aklan agud nga maging madinaeag-on ro pag host it probinsiya.
Todo man sigon ro suporta ag bulig it provincial government kara.
Nauna eon nga nagpatigayon it inspection ro pamunuan it DepEd-Aklan sa mga playing venues ag billeting quarters kun sa siin haeos finishing touches eon lang ro gina-obra.
Ro WVRAA Meet 2023 hay pagapasakupan it mga atleta halin sa Aklan, Negros Occidental, Guimaras, Capiz, Iloilo, Antique .