Nagta-o it mabahoe nga kadungganan sa banwa it Kalibo ag probinsya it Aklan ro uman nga pagpangibabaw it mga atletang Aklanon sa kakatapos eamang nga 19th World Pencak Silat Championship nga ginpatigayon sa Melaka, Malaysia.
Sanday Mary Francine Padios ag Hanna Mae Ibutnande hay nakakuhit it bronze ag silver nga medalya kontra sa mga kaengkwentro kara maghalin sa nagkaeain-eain nga nasyon.
Suno kay Mr. Freddie Jismundo Jr. national coach it Pencak Silat, maghalin sa regional hasta sa world championship hay ginadominar it Aklanon athlete ro nasambit nga hampang nga gin-umpisahan ni Cherry Mae Regalado nga naghakot man it nagkaeain-eain nga klase it medalya.
Makabig suno kay Jismundo Jr. nga passion nana ro klase it sports kon siin ro anang mga naging produkto hay naga-uli it matag-as nga pagkilaea sa bulig man it pagsuporta ag pangamuyo it andang pamilya ang bilog nga Pilipino.
