Inde eon makaguwa ro mga baboy sa barangay arcanghel sa banwa it Balete.
Suno kay Punong Barangay Acoi Feliciano, pwede makasueod ro mga baboy apang inde pwede magpaguwa it baboy halin sa mismong barangay agud macontain ro African swine fever.
Suno kana, kon may mga ginakunsumong baboy nga uwa it sakit, pwede raya sa sueod it barangay apang indi pwede ipaguwa.
Sa kamatuoran suno kana hay antes pa man magbisperas it fiesta sa nasambit nga barangay, ana eon nga gindesiminate nga pwede magkaon it eaha nga baboy apang bawae magtake home kara.
Dugang pa ni Capt. Feliciano nga ro PNP Balete, brgy. tanod, barangay health workers, mga council ag mga volunteers nga nagabantay 24 hrs sa mga checkpoints.
Nakipagcoordinate man si Feliciano sa exit it Libacao ag Banga agud magbantay.
Ro mga namatay nga baboy hay insigidang gin-eobong ag nagdis-infect man sanda partikular sa area nga may ASF.
Ginapamonitor ni Feliciano ro kada sitio para macontain ro ASF ang ginlaygayan nana ro mga raya nga maging kalmado ag makipagcoordinate eagi sa anang taetaapan engkaso nga may mga sapat sanda nga makitaan it sintomas it nasambit nga sakit.
